黎燕珊戴「成層豪宅」上身

藝人黎燕珊、陳倩揚、杜汶澤、衛詩雅等昨晚為「奇妙電視」5月14日開台的首個節目《星滙奇妙77》拍攝，衛詩雅表示之前與母親到泰國拍攝真人騷：「我都擔心會辛苦，點知係五星級嘅待遇，今次我哋傾咗好多心底話，增進母女情。」而拍攝頭炮飲食節目的杜汶澤賣花讚花香：「奇妙電視走師奶路線，奇妙比較有優勢，因為ViuTV走後生路線，後生仔唔睇電視o架嘛！」他指共拍了十二集，不會添食，見好就收，更指拍時每一日都發噩夢，緊張過拍電影，笑指食評家踩到他成pat屎一樣！而黎燕珊一身鑽飾上陣，笑言成層豪宅般貴，她表示為節目邀請名人分享教導子女心得，更大打友情牌，邀得陳寶珠、陳美齡等作嘉賓。