梁漢文紅綠燈企定定要小心

歌手梁漢文（Edmond）將於8月18及19日在九展舉行音樂會，早前Edmond拍攝音樂會的宣傳海報，由林海峰（Jan）操刀，並請來Edmond的小師妹湯加文（Carmen）客串做「影后」。Jan選擇在中環鬧市取景，拍攝Edmond和Carmen在馬路上擦身而過的感覺，Edmond坦言：「睇住個綠燈好快轉紅燈，但係我又唔行得要企定影相，好驚畀人鬧我阻街又阻車，好彩林公子出名快狠準，我來回行咗二、三十次就話收工！」而Edmond最不好意思是要Carmen做「影后」：「今次只係影Carmen個背面真係唔好意思，下次拍MV搵佢做女主角影番個正面補數！」