陳靜同方媛唔老友

藝人陳靜（DaDa）前晚出席電影首映，身形清減了不少的她表示體重與以前相若，但因做運動令身形更firm，並指吸收足夠蛋白質及澱粉質，又有做針對性運動，所以上圍沒有縮水。提到曾是同公司師妹的方媛與天王郭富城結婚，DaDa表示當時不在港，但有留意新聞。問她是否已與方媛絕交？DaDa說：「以前同公司，但唔係成日見到，都係開心事嚟，所以都會恭喜佢。（唔算好friend？）佢當時一個女仔嚟到香港，冇乜朋友，我盡地主之誼關心吓佢。（羨唔羨慕佢嫁天王？）哈哈！我係開心佢開心，我嘅感受係冇咩特別。」已單身一段時間的她表示不會將感情及婚姻放在第一位，更揚言「單身好開心」。