余文樂12萬租屋：買唔起梗係租！
藝人余文樂、楊千嬅及導演彭浩翔前晚出席電影首映繼續互窒，有傳樂仔以12萬元租金與台灣女友王棠云於淺水灣築愛巢，千嬅及彭導即搞笑叫樂仔又要租樓給他們，樂仔則否認傳言：「我買唔起就梗係租啦！（同女友住？）佢住台灣，點會一齊住？」
余文樂、楊千嬅及導演彭浩翔前晚出席電影《春嬌救志明》首映，電影未正式上映，但本周四已有兩場滿座，成績理想。樂仔感謝各大院線支持，之後會到戲院謝票。講到宣傳鋪天蓋地，問費用是否高昂？樂仔說：「演員出時間，公司出錢，大家出錢出力。（對票房有信心？）唔講啦，呢套係喜劇，睇完會好開心咁離開戲院。」
「點會一齊住？」
最近有指樂仔月花12萬元租金與台灣女友王棠云於淺水灣租愛巢，他說：「哦！我唔講呢啲！」千嬅和彭導則非常雀躍，不停在旁加把嘴，千嬅笑樂仔為何不花錢租樓給她，彭導又說：「我拍得你咁好，租間屋畀我都好應該！」令樂仔苦笑說：「我就係諗住裝修好畀你住，想畀surprise你，但畀佢哋講晒出嚟啦！」之後他認真回答：「梗係唔係啦！冇你哋想像得咁戲劇化，我買唔起就梗係租啦！（同女友住？）佢住台灣，點會一齊住？大家點到即止。」《春》片拍攝前，曾有消息指彭導會邀請周潤發及鍾楚紅參演，彭導說：「諗過好多計劃，但冇公布過話有發哥。」更指因片長問題，忍痛剪走荷里活巨星里奧勒度狄卡比奧（Leonardo DiCaprio）替身參演的戲份。
入錄音室似去陰宅
此外，千嬅及樂仔接受TVB娛樂新聞台訪問，樂仔被爆因不喜歡唱歌，故被安排在戲中挑戰唱歌，他說：「你見我拍咁多戲就知我唔鍾意唱歌，好怕入錄音室，似入咗陰宅咁會打冷震。監製王雙駿話我係第三個人咁講，之前係梁朝偉、古天樂。」千嬅即取笑樂仔有不少金曲，並現場唱了幾句《生還者》，樂仔笑說：「唔好唱啦，魔咒咁！你成地金曲啦，我小學五年班就聽你首《可惜我是水瓶座》！」
文：影視組