岑潔儀部署復出搞生意

藝人岑潔儀昨日出席嬰兒用品店開張活動。她表示兒子已兩歲，自言正計劃復出：「之前都有諗過開嬰兒用品店，但又想留多啲時間照顧囝囝，最終打消咗個念頭。依家佢開始返學，我想出番嚟多啲見大家，希望遲啲有自己嘅小生意。」問到何不「打鐵趁熱」追多個B？她笑說：「都想嘅，依家食中藥調理緊。我老公係典型客家人，佢話全部都要仔，生10個都冇問題，我就想追個女，理想係生2仔1女，但最緊要係BB健康。」她又指近日想為囝囝轉校，囝囝面試雖然表現不錯，但心儀學校卻不取錄：「真係幾氣餒，我哋唔識人又唔係喺佢哋度讀開就唔收，難怪有人話識人好過識字啦，呢個係香港家長嘅無奈。」