莊思明學做煮婦調校重口味男友
美式酒吧餐廳TED's Lookout日前於灣仔舉行四周年慶典，藝人莊思明（Lisa）、丁子高、名媛郭燕光、組合天堂鳥、前港隊三項鐵人運動員勞証顯等到場祝賀，現場舉行吃漢堡包比賽，氣氛熱烈。
熱愛美食的莊思明透露與男友楊明都喜歡四處覓食，Lisa今次亦特意前來探路，找尋美味的漢堡包。Lisa表示楊明喜歡吃濃味的食物，有時間也會為他下廚，因為不想他經常在街外吃，Lisa笑說：「盡量一星期都想煮一次，調校吓佢啲口味，因為年紀愈來愈大，都要開始注重健康。」
談到二人的結婚大計，Lisa笑言兩人都有共識朝着結婚這目標：「如果有好消息會同大家講，我係一個掩飾唔到喜悅嘅人，如果真係結婚，一定會忍唔住周圍同人講。（父母有冇催婚？）冇，反而爸爸比較關心家姐（莊思敏），可能因為家姐向來好獨立，但一個女仔都會擔心佢，如果佢搵到另一半就會放心。」
丁子高獨食怕肥
至於喜歡吃漢堡包的丁子高透露，愛與太太楊千嬅一起四出找美味的餐廳，但近來就只有他自己獨食：「太太呢排好忙，電影要宣傳，鍾意食嘢都冇得食，佢要去上海做宣傳，我屋企人好好，佢哋全部住上海，個個特登整晒燈牌支持佢，我嚟緊都會包場，有成三百幾人一齊睇。」丁子高又稱因千嬅工作的關係，錯過了兒子的復活節假期，希望宣傳完畢可以有個短途旅程，一家人吃喝玩樂，他笑說：「我鍾意食，所以會跑步，有入就有出，跑步推動我食嘢，哈哈！」
文：名人組