寫字樓喬遷冼太包辦設計
昨晚除了是國藝公司七周年晚宴外，亦是其寫字樓喬遷之喜，昨午藝人陳嘉桓、周嘉莉、阮頌揚及葉芷如等齊齊到賀，冼國林太太帶同女兒亮相，悉心打扮的冼太外形亮麗。國藝近年愈做愈大，西樵山國藝影視城更在新加坡交易所主板上市，好消息接踵而來。國藝老闆冼國林坦言今次喬遷不單是搬寫字樓，亦是公司邁向新的里程碑：「我哋公司進入一個新嘅里程碑，之前係投資期，依家係收成期，業績愈來愈好，股東嘅投資會有好好嘅回報。」
今次搬遷由冼太親自負責及設計，冼國林對太太日以繼夜的付出無言感激，他說：「近年我真係太忙，以前寫字樓會由我設計，今次好多謝老婆，新嘅寫字樓係太太一手去搞，無論一盆花點樣擺，都係由佢去諗，真係辛苦咗好多晚，好多謝佢！今日喬遷好多嘉賓嚟咗，旗下藝人嘅士氣都好好，因為嚟緊公司都有好多拍戲同宣傳計劃！」
