陳嘉桓獲欽點城寨做女一
冼國林旗下的國藝公司昨晚舉行懷舊晚宴，即將60歲生日的冼國林「報喜」指公司轉虧為盈，未來會加強拍戲及宣傳計劃，實行大展拳腳！身為「國藝一姐」的陳嘉桓獲冼國林欽點，為即將開拍的重點新片擔任女主角。
國藝昨晨喬遷，同晚舉行周年晚宴，派對以懷舊為主題，並安排了各式表演助興，現場有霓虹燈等懷舊裝飾，亦有龍鬚糖等懷舊美食。冼國林將於本月27日迎來60歲生日，眾人順勢為他舉行神秘生日會。現場有不少嘉賓到賀，當中陸詩韻以大露背裝現身，林雅詩則低胸吸睛，其他嘉賓包括洪金寶、洪天明、孫敬安夫婦、范振鋒、吳國敬、何紫綸及甄澤權等，非常熱鬧。
新加坡搞上市
冼國林受訪時「報喜」，他說：「今晚擺40幾圍，好多嘉賓，以及有唔同嘅表演環節。我公司進入新紀元喇，上年蝕錢嘅，但今年進入收成期，實際已經賺咗1,900萬，嚟緊仲會喺新加坡交易所主板上市，仲有唔少內地企業同我哋合作，大家一齊推廣旅遊業，包銷西樵山影城嘅入場套票。」
身為「國藝一姐」的陳嘉桓（Rose）表示宴會上會帶領一班師弟妹，包括阮頌揚、周嘉莉及葉芷如上台表演，而昨晨在公司喬遷儀式上已送贈養生產品給老闆兼師傅冼國林作為禮物。談到公司今年業績理想，她笑說：「有冇（錢分）就要問師傅，不過有唔同嘅投資加入，即係我有唔同機會啦。師傅話嚟緊會開套以九龍城寨為背景嘅電影畀我做女主角，會喺西樵山影城作實景拍攝。」
林雅詩馬天樂互揪
至於早前盛傳懷孕的林雅詩身形回復大勇狀態，並與緋聞男友馬天樂齊齊受訪，問到是否以行動證明沒懷孕？她笑說：「我冇刻意減肥，只係之前拍戲要舞龍舞獅，皮膚曬到燶晒，返內地工作又唔知係咪酒店床同水有問題，搞到成手一粒粒。依家手頭上有兩部戲一齊拍，其中一部要打功夫，我畀佢（馬天樂）打。」馬天樂聞言說：「我成日畀你打就真……喺戲裏面。（私底下錫番林雅詩？）都會嘅。（拍戲佢有受傷？）都OK嘅。」
文：影視組