《閨蜜睡房》：徐子珊女神真面目原來係Boy？！

東網巨星新鮮出爐的「海馬床褥特約」節目《閨蜜睡房》，逢星期五、六、日更新，頭炮請到紅星徐子珊，以最真實的睡衣Look與主持人Kiwi分享閨房樂趣，以及鮮為人知的小秘密。公認為女神的徐子珊，笑言與「女神」連不上關係，她說：「由細到大都唔係好識打扮，參選港姐後先叫做學點樣化妝、着高踭鞋、着裙。我覺得每個女仔如果佢有自信，嗰個魅力都會好女神化。（你最有自信係跳舞定係演戲？）我瞓覺嗰陣時，瞓得好有自信，即係好瞓得，閒閒哋可以瞓十幾廿個鐘，之前拍劇捱夜冇得瞓好辛苦，過去嗰十年八載見到我拍嘢時嘅狀態，都係冇咩瞓嘅時候，所以對我嚟講個感覺一啲都唔係女神。（嗰時比較迷矇？）好迷糊，可能係咁被誤解咗，就係因為我咁迷迷哋。（原來子珊嘅眼神咁有魅力？）錯晒！」

變咗「男朋友」

訪問中子珊自揭秘密，自爆性格好「Boy」，朋友圈裏無論男女都視她為「仔」，亦皆因這「男仔頭」性格，她成為女性朋友的最佳旅遊伴侶，她說：「好多女仔朋友主動叫我同佢哋去旅行，因為可以Take Care佢哋，我Plan行程、負責揸車、Book埋酒店、安排埋去邊度食飯、畀埋錢，我直頭變咗佢哋男朋友，畀咗好多安全感佢哋，其他男仔都畀唔到。」

徐子珊與節目主持人Kiwi分享秘密。

徐子珊坦言演出時會有蝦碌事發生。

蝦碌識「執生」

子珊記憶力強，對背劇本、歌詞記性特別好，但亦有失手時候，談到演出蝦碌事及如何「執生」？她說：「有時登台唱成45分鐘，但係冇LCD喺前面，都經常唔記得啲歌詞，特別係新歌，所以經常自己填緊詞，或求其(舌累)過就係，又或者突然講『多謝Thank You』，如果唔係可以點呀，突然之間Blank咗都冇辦法，最慘拍戲有得NG，但呢邊冇。」

一連三集徐子珊足本版訪問於東網巨星已有得睇，內容更詳盡更精彩。

文：名人組