楊思琦漏口風 畀囡囡入行

藝人楊思琦帶同5歲愛女楊卓穎昨午出席活動，力撐由童星鄭耀軒及「新美心妹妹」Keicy等組成的組合「Idol Jr.」正式出道。卓穎捐出親筆畫義賣，撥捐慈善機構，全程非常活躍！思琦指女兒鍾意唱歌、跳舞：「試過公開表演，亦都有學游水。佢有提過想學功夫，但想佢大個啲先，唔想佢受傷。」提到卓穎快將升小一，思琦坦言早前忙於搵學校，已決定安排她入讀國際學校，問到學費是否高昂？思琦說：「我諗每個父母都好畀心機照顧小朋友，盡力啦！（卓穎咁有表演欲畀佢入行？）都有啲工作問過嘅，遲啲先啦！都係想佢攞多啲經驗，個人冇咁怯。」