似足劇中冧招 王卓淇有仔追
無綫小花王卓淇近日因劇集《全職沒女》熱播而知名度急增，她前晚與李綺雯等出席晚宴時表示有廣東的親戚被拍檔陳松伶的大無畏戀愛精神所感動。談到戲中被謝東閔熱烈追求，對方經常製造浪漫場面，王卓淇笑說：「今次係我第一次着校服演戲，同埋獻出螢幕初吻！記得15、6歲時，隔籬班有個男同學都類似咁樣追我，佢依家有女友喇！大家通電話佢講起原來有追劇，仲話謝東閔做晒當年佢想做嘅嘢！」
另外，家境富裕的她直認沒有理財概念：「我成份糧交畀媽咪，都係問佢攞零用錢o架！唔知自己究竟有幾多錢，出門口要背口訣：銀包、手機、鎖匙嚟提醒自己記得拎嘢，讀書時試過唔記得帶銀包搭的士，落車冇錢畀。」
