張兆輝摸庭欣胸 呻裸苦嚟辛
無綫熱播劇《全職沒女》今晚播出「戲肉」！劇中飾演女高音歌唱家的陳庭欣在泳池邊半裸大露背，情挑張兆輝！張兆輝意外成為「胸手」觸碰對方胸部，場面雖然香艷，但他竟說有苦自己知。
由張兆輝與陳松伶主演的無綫劇集《全職沒女》，劇情愈來愈緊湊，今晚播出的一集講到飾演莊富豪的張兆輝一直以為七年前曾與陳庭欣（Toby）有一夜情，怎料在泳池邊遇上半裸曬太陽的陳庭欣，更在拉扯間意外成為「胸手」觸摸到對方胸部，張兆輝才驚覺當年一夜情另有其人。
單看劇情，大家以為張兆輝甚有艷福，但實情有苦自己知，他說：「都係借位啫！電視邊有咁大尺度！同埋陳庭欣前面有黐嘢，所以好安全一啲都唔尷尬。」他表示過往拍電影時亦曾試過有摸胸戲份，幸好導演最後找來男人替身：「其實我好怕拍呢啲，搵男人做替身反而仲好，同女人做會就住就住，NG拍多幾次又怕畀人話，仲難過拍槍戰，唔係大家諗咁好艷福。」
怕走光拍得尷尬
而今次半裸上陣大騷玉背兼股邊盡露的Toby則表示拍攝時有點尷尬，事前還特地問導演會怎樣拍攝：「其實都有啲尷尬，因為要拍到好似半裸咁，所以我前面要做足準備，黐咗好細嘅Tube-top喺前面，又怕走光，所以呢一幕都拍咗幾個鐘！」首次與張兆輝合作，Toby一開始坦言勁緊張：「初初以為輝哥好Cool，因為佢唔太出聲，但原來熟落咗之後，佢都幾好傾，好Nice！」
文：專案組