丁子高醒目仔拉頭馬

復活節假期就放完，昨日丁子高與楊千嬅的媽媽趁假期完結前，帶同兒子丁進諾（Torres）入馬場，Torres更與其他小朋友一齊拉馬頭！見Torres領口結上煲呔仔，打扮十分醒目，着得靚仔原來有運行呢！

丁子高受訪時說：「咁啱撞到Torres個同學嘅家長，佢哋隻馬贏咗，就叫埋Torres落去影相之嘛！（會否讓兒子學騎術？）6月佢就5歲，打算6歲時畀佢學，之前去旅行佢都騎過3次，Torres好鍾意動物，一啲都唔怕。」問會否栽培兒仔將來做騎師？丁子高指兒子年紀尚輕，只覺得動物跑來跑去好得意。