鄭俊弘準備錄碟 冇被雪藏

鄭俊弘強調從沒聽過會開紅館騷。

談到患有情緒病的女友何雁詩，Fred指對方情況尚可，有空檔也會見面，對於網民狠批她是「小三」，Fred坦言女友為此不開心，但未有流淚，反而會找友人及他傾訴，問會否擔心戀情影響工作？Fred稱公司很支持他，亦有安排工作。問可怕未能搣甩賤男之名？他淡然說：「每個人都有唔同角度去睇呢件事，點樣睇我控制唔到，最緊要係做好自己。」又指正準備錄新碟，強調沒有被公司雪藏。

身為何雁詩好友的Moon表示有與對方傾偈，但認為未必能幫助開導情緒：「佢係個唔需要朋友陪都解決到問題嘅女仔，有自己思想同諗法。」提到另一好友陳瀅被指與方力申拍拖，Moon代為否認，指僅是朋友關係。

王君馨與拍檔許家傑大擺高難度甫士。

劉珮玥有聽何雁詩傾訴。