周麗淇唔心急拍拖 借姨甥仔過橋拒愛
藝人周麗淇與內地男星徐正曦分手後，感情一直未有着落。雖然身邊不乏追求者，她卻寧缺莫濫，遇上不合眼緣的對象即諸多藉口拒絕，除了扮忘記個人電話號碼外，更想借姨甥仔過橋，表示已為人母，務求令對方打退堂鼓！
周麗淇（Niki）昨日以代言人身份出席Just Gold鎮金店海港城全新概念店開幕活動，獲大會送贈金箔畫像。她透露早前送了金鈪賀姨甥仔Avner滿月，笑指Avner似一舊飯，只顧吃和睡覺，哥哥Jacques則煩得來又趣致。
扮失憶唔畀抄牌
提到感情生活，她說：「都係冇大進展，冇人催，自己唔急，要發生就發生，一切隨緣。依家單身，好多朋友介紹男仔，但冇時間食飯，唔啱嘅話就算食完飯都搵藉口。試過有人問我拎電話，我話冇帶電話，唔記得自己電話號碼，仲試過扮台灣人，人哋話『唔怪之得你皮膚咁白啦！』」她笑言有意下次用姨甥仔擋駕，假裝已有小朋友，拒絕追求者！另外，她透露現與甄子丹合作拍電影，下周要到內地宣傳電影，非常忙碌。
鄧鉅明投資2,000萬開店
至於太子珠寶鐘錶主席鄧鉅明與太太鄧宣宏雁透露，這間概念店是香港第8間分店，投資了約2,000萬元，目標是擴展業務至10間店。提到做了舖王，鄧鉅明笑言該店是全港最貴，鄧太則表示不會參與買舖事宜，只會做旅行話事人。鄧生認為現時是年輕人創業的好時機，他說：「當市道好嘅時候，搵好嘅舖頭難，因為租金貴；差嘅時候就容易搵啲靚位，因為逆市租金平，所以兩者係不能共存。」
文：名人組