李家鼎開餐廳得個諗字

憑無綫節目《阿爺廚房》人氣急升的李家鼎，昨日在荃灣出席火鍋餐廳開幕儀式，更在店門前示範用粥底下廚，盡顯功架！餐廳以「阿爺」命名，但李家鼎自言只是嘉賓，更發誓沒有投資：「唔關我事，朋友打嚟叫我幫吓手。（間餐廳叫『阿爺』喎！）我都唔知，嚟到先知。（畀人擺上枱？）又唔可以咁講，嚟到覺得愕然囉！（唔反映？）嚟咗就算啦！費事搞咁多嘢。」提到想開餐廳，李家鼎表示「想還想」，他說：「你夠想發達啦！唔係話開就開！」此外，問到《阿爺廚房》何時添食，忙湊孫的他表示要等公司安排。