「緋聞舊愛」排住隊結婚
曾與郭富城傳緋聞的藝人苟芸慧及方皓玟亦排隊準備做新娘！苟芸慧昨日與周柏豪出席鑽飾品牌活動，以低胸Tube Dress晚裝上陣，性感耀眼，她笑言若將來結婚，老公親自設計婚戒會更sweet。與賽車手陸漢洋蜜運中的她被問收到求婚戒指未？她說：「未，好多嘢係雙方嘅。（隨時嫁？）我係Ready。（欠求婚？）你哋唔好幫佢問，留番畀佢。」她表示已見雙方家長，並透露爸爸大讚男友細心又負責任：「爹哋覺得佢係可付託終身嘅對象。」談到前緋聞男友郭富城結婚，她說：「有send message祝福佢。」
而現年36歲的方皓玟（原名吳嘉欣），被揭4月10日已入紙排期註冊結婚，在擬結婚通知書上，男方為37歲日籍模特兒安田慎吾，二人申報同一住址。方皓玟受訪時承認：「排緊期，係會結婚，只係我唔鍾意消費婚姻，所以感情一路低調。多謝大家關心、祝福。」昨日她出席活動時，左手無名指戴上疑似婚戒。被傳當年因方媛介入而與城城分手的方皓玟，對於城城結婚，她說：「祝佢哋幸福快樂。（有冇聯絡？）唔會啦！（浪子都結婚？）人人都會結婚嘅，呢件事值得祝福，冇嘢比搵到一個終身伴侶更開心。（心酸？）朋友結婚點會心酸呀？係值得高興。」
