用腳熄機網友讚好 霆鋒由頭Chok到尾

藝人謝霆鋒昨午現身香港機場，戴上黑超現身的他表示剛從北京工作返港，問到會否趁復活節與兒子謝振軒（Lucas）及謝振南（Quintus）慶祝？他說：「過幾日啦！其實我唔係咁慶祝復活節嘅人！（你條結他片最尾用腳熄Mon好多網友讚好！）我主要係唔想個結他掂到地下！（網友話你由頭Chok到落尾！）佢哋鍾意乜就乜，我係唔想個咁罕有嘅結他碰到地下。」講到開演唱會計劃，他表示會盡快，並有意在香港大球場舉行。