黃秋生觸「蕉」告別驚慄片
黃秋生與衛詩雅的驚慄新作《失眠》集恐怖、血腥、懸疑於一身，秋生揚言這部作品是其驚慄片的引退作，並透露是首次觸摸其他男人的性器官，拍攝時更有心理障礙！而衛詩雅在戲中要爛面兼被強姦，更爆料指拍強姦戲時對手下身完全赤裸而她卻不知情！
黃秋生與導演邱禮濤繼1996年的恐怖經典作品《伊波拉病毒》後，相隔21年再度合作拍《失眠》，包含強姦、食人肉、切男性生殖器官等恐怖血腥劇情，秋生坦言拍攝時覺得自己不再享受拍這類電影，更有不少心理障礙。
飲大咗應承導演
秋生受訪時笑言拍攝切男性生殖器官前想了很多問題：「拍切J戲都係第一次，當佢豬肉又好乜都好啦！今次真係有心理障礙，拍前係咁諗到時會點，會洗幾次手呢？咁之後我仲用唔用呢隻手食飯好呢？拍完呢場戲，我要幾耐至放得低呢？（對手反應？）對手係日本演員，30幾歲，唔係拍AV，好有型o架！（拍攝順利？）場戲講我殺佢，有掂到佢性器，導演當初問我夠唔夠膽拍，嗰陣我飲咗酒，咪話有乜唔夠膽？到第二日醒，至諗點算好呢？不過，最後拍攝過程都好順利，係因為燈光、鏡頭配合，幾個take就搞掂。」
衛詩雅被姦打厚底
衛詩雅在戲中一人分飾兩角，要爛面之餘更有被強姦的戲份，她說：「嗰場戲好壓抑，講我畀人笠咗個頭套強姦，我係拍完先知強姦我嗰位演員嘅下半身係完全赤裸，連貼膠紙都冇！」並笑說怪不得大家要她在拍攝前打厚底，拍完之後大家都替她難受。至於與秋生合作會否令她很大壓力？她直言好驚：「佢種氣勢令人好驚o架！即係你貼佢個樣喺門口就唔怕有賊入嚟嗰隻！」更說與對方拍戲就似上堂，令她獲益良多。
文：影視組