王君馨認簽字結婚漏口風8月擺酒
藝人王君馨昨日從馬來西亞返港，此行為其第四間分店開張及出席檳城時裝周，手上未見戴婚戒的她自嘲是大頭蝦，故婚戒暫放在家中。對於好姊妹苟芸慧踢爆她將於今年夏天結婚，君馨即扮傻說：「夏天幾好，依家仲諗緊，Book緊地方，都驚啲人見到咁熱會鬧我。（姊妹團着泳衣？）你哋想囉，我着嘅話，爸爸同未婚夫都會唔係咁開心。到時會兩地搞，香港呢邊預計400人，其實我已經簽咗字，差行禮同擺酒。」
王君馨忍唔住洩露婚期：「8月會唔會好熱？外地會係小型嘅私人派對，所以準備足啲。（美國再搞？）個budget容納唔到。」她又指暫時與未婚夫「分居」，待擺酒後才正式一齊住。