劉心悠黃心穎出浴潑水「膊」到盡
藝人劉心悠及黃心穎近日忙於拍攝「金牌監製」梅小青主理的無綫重頭劇《宮心計2深宮計》，前晚兩人在大浴池場景拍攝出浴戲，一眾宮女大騷香肩及玩潑水，畫面香艷。心穎笑言雖然捱通宵拍攝，但非常享受，感覺如在日本浸溫泉。
「金牌監製」梅小青及劉家豪早前重返無綫擔任戲劇製作總監，再打造新作令人期待。梅小青的經典劇《宮心計》於2009年曾創下無綫劇50點收視冠軍紀錄，現正開拍的第二集《宮心計2深宮計》由馬浚偉、劉心悠、胡定欣、周秀娜、馬國明、黃心穎及陳煒等演出，靚人加靚景自然有不少目不暇給的場面。
似浸日本溫泉
前晚心悠和心穎通宵拍攝一場宮女出浴戲，飾演宮女的她們與多位女演員在戶外搭建的大浴池拍攝，眾女浸在水中露出香肩，場面香艷。心悠與心穎戴上頭飾化身古典美人，韻味十足，期間兩人貪玩互相潑水，戲內戲外都玩個不亦樂乎。無綫特別等待天氣回暖才拍這場戲，又安排晚上拍攝，原因是有月光映照水池，令畫面更有美感。眾女看似全裸出浴，其實當然做足安全措施，穿了泳衣及tube top打底，又不時以浮在水面的小木桶遮身，絕對不會穿崩。
心穎接受訪問時大讚浴池場景非常漂亮，令她感覺如在日本浸溫泉：「有暖水，又有香味，感覺好好，現場又有燈光照射，好唯美。我開頭以為係用普通木桶浸咋！點知原來喺室外，個浴池景仲咁靚。」心穎指這個「桂花浴池」，是太子妃賞賜給心悠享用，由於她飾演心悠好姊妹，故能一同分享。她又稱與心悠現實中亦成為好友：「我哋兩個同樣來自溫哥華，同聲同氣吖嘛！（拍呢套劇辛唔辛苦？）都OK！雖然有時瞓得一、兩個鐘，但好值得，因為拍得好靚。」
安排毛巾熱水
心悠表示拍出浴戲浸了一整晚水，幸好劇組有安排熱水同毛巾，非常周到。她又自爆有兩場出浴戲，另一場是跟另一班宮女齊齊出浴。她大讚場景冇得頂：「估唔到個景咁靚，好有度假、Relax感覺，仲真係有浴鹽同桂花花瓣，拍得好開心。」
文：影視組