楊洛婷佗「走地雞」 Tim樓梯造B？
現年36歲、樂隊Dear Jane主音黃天翱（Tim）與太太楊洛婷（Rabeea）造「雞」成功，趁復活節宣布喜訊！月前傳孕味濃的Rabeea昨日上載照片報喜，宣布懷孕4個月，相中肚凸凸的她與Tim用圖案扮雞冠、雞鳳，兩人中間放了一隻巨型復活蛋，Rabeea以英文留言，大意為：「我將會迎接第三名成員，大家復活節快樂！」
性別保密
Tim昨日接受電話訪問時笑不停，並說：「多謝，多謝，今日公布因為覺得係適當時候。（BB係男定女？）暫時保持神秘，只得我父母知，男女都冇所謂，不過一定係雞仔。（即係囝囝？）我意思係BB屬雞，可能係雞女，加埋我哋兩個都係屬雞，全屋都係雞！」他表示BB是香港製造，至於是否早前所說在樓梯製造？他聞言即哈哈大笑：「可能喺樓梯、喺Band房或者廚房！」他透露太太的預產期是9月或10月，屆時會在香港分娩，現已請了陪月員，但尚未預訂醫院床位。他又指太太懷孕後飲食習慣有變，愛上食涼果。
此外，他透露5月16日是太太生日，屆時會一起去毛里裘斯慶生，記者笑指Rabeea現時有孕在身，他旅行時要「忍吓」，他哈哈大笑：「盡量啦，樓梯都唔敢行咁近，佢成日都咁性感o架喎！」
一擊即中
至於Rabeea踢爆老公為BB改名為「走地雞」，笑說：「好似我哋咁Crazy！」她指現時身體狀況良好，沒有害喜。問到結婚兩年，是否努力造足兩年人？她強調：「唔係，我哋想生雞BB，所以農曆新年先積極造！」似是暗讚老公「一擊即中」夠精壯。另外，為了賀Rabeea有喜，其父母、弟弟及弟婦齊齊穿上訂造的T恤合照！
文：音樂組