心悠古裝講英文

演員劉心悠昨日在將軍澳電視城為無綫重頭劇《宮心計2深宮計》開工,一身古裝打扮的她受訪時表示,拍攝兩個月已上了軌道,問到是否像馬國明一樣辛苦,要長時間開工?她笑說:「最辛苦一定係佢,我冇計過最長開工幾耐,係之前拍劇要去Filmart宣傳嗰幾日辛苦啲,每日瞓幾個鐘。」

劉心悠透露一直有服中藥調理身體,故身體狀況很好,沒有病倒:「因為瞓覺時間好亂,所以要調理吓身體。」她認為最大挑戰是講文言文對白,她笑說:「有時夜晚拍得太攰都會講咗英文,所以有個專人喺身邊幫我聽吓有冇講錯,下次都係做番時裝劇好啲,哈哈!」