黃子恆冇打算翻撻裕美

藝人黃子恆昨日為肥媽及陸浩明主持的無綫節目《阿媽教落食平D》撐場，對於其舊愛裕美被發現住公屋，他說：「好耐冇聯絡佢，住公屋唔係問題，我都住過。（佢要車駁車，考慮車埋佢？）咁其他人車駁車，我咪要車晒？（有機會再續前緣？）我同佢係拍過半年拖，但依家冇呢個打算。（怕再有負面新聞？）我要忙時裝舖頭同拍劇，冇心情拍拖。」
黃子恆為肥媽主持的節目撐場。
黃子恆為肥媽主持的節目撐場。

肥媽則預告一個電飯煲走天涯神技：「其實一個電飯煲可以煮出唔同菜式，屋企食完仲夠你拎返公司當晏晝！做《食平D》最開心係遇到觀眾講：『我煮咗你教嘅餸！』好似向我交代咁，我鍾意！」

黃子恆舊愛裕美被拍到要車駁車。
  • 黃子恆舊愛裕美被拍到要車駁車。