失落「最佳導演」獎的曾國祥在紅地氈上拖實女友王敏奕恩愛現身，影相時更從後緊抱女友纖腰，有如新人預演婚禮，相當風騷，王敏奕則穿上一身「春日白」晚裝襯男友。曾國祥受訪坦言恨拎獎：「梗係想拎最佳導演！原本我拍緊戲，以為冇時間緊張，點知一嚟到就好緊張喇！」問王敏奕如何幫男友打氣？她望向男友甜笑：「加油！祝你好運！」
