荷里活男星沙拉保夫（Shia LaBeouf）曾多次撩是生非被捕，但他仍未生性，周三晚於洛杉磯一間保齡球場再次借醉搞事！現場人士透露沙仔逗留約三小時，期間不斷隊啤，當員工要求他離開時即九唔搭八，就薯條問題與員工理論兼爆粗辱罵對方：「你呢個XX種族歧視嘅八婆！唔好同我講嘢！你搞X衰咗！」其後，沙仔一邊爆粗一邊離開場地，當他發現自己仍然穿着保齡球鞋時一度折返，但其後喪跑離開，認真夠癲！