66歲徐少強遭23歲艷星「進擊」
66歲武打藝人徐少強至今仍艷福無邊！當年與雪梨未婚生了一對子女，之後於1995年娶嫰妻後又育有一對子女，最近有傳他背嫩妻搭上23歲內地艷星羅雲琦，更指此女是「發電機」，經常向徐少強發電。
劃清界線做契兄妹
身在內地的徐少強接受訪問，指羅雲琦相當主動，但他不為所動：「佢的確成日黐埋嚟，我為咗唔想有誤會，所以契咗佢做契妹，劃清界線，唔想大家誤會。（太太知唔知？）佢知道。」他又指在內地拍戲經常有艷遇：「有好多女仔會半夜敲門！」但他已有妻室，故不會行差踏錯。
「佢話做我助理」
問到羅雲琦有甚麼攻勢？徐少強說：「我哋合作拍戲，有時冇佢嘅戲份，佢都會嚟片場，話要做我助理，但我根本唔需要助理。（點解要契佢做妹妹？）因為同佢一年合作咗三部戲，好少有咁嘅情況，多數合作完一套，幾年都唔會遇番，同佢就係咁啱一年合作咗三部戲，而佢又咁主動，所以就契佢做妹。」談到與太太的感情，徐少強指非常好：「佢同一對仔女喺北京生活，有時有啲大節日，佢都會帶啲仔女嚟片場陪我，我哋好好呀。」
文：影視組