唐貝詩寄宿開齋8個人追

唐貝詩（Lydia）近年強攻娛樂圈，繼之前做舞台劇及拍攝內地網上電影後，最近更成為奇妙電視開台劇集《熱戀一百天》的主角之一，與麥子樂飾演情侶。Lydia在劇中演大學生，在交友網站認識麥子樂並拍拖。問到在劇中會否與對方有親熱戲？她坦言：「因為係合家歡時段播，所以就算有都唔會好激。我睇咗一半劇本，暫時未有住，但如果有接吻鏡頭都OK，因為喺劇中係情侶，接吻都好正常。」

怕醜妹有番自信

Lydia表示以前在英國讀大學，常往返香港做模特兒，所以冇心發展當地的社交圈，生活較平淡，不過在中學時卻是校內的風頭躉：「我中學喺英國讀寄宿學校，當時得我一個香港女仔，香港男仔就有成8個，佢哋個個都鍾意我。（好有優越感？）會好有自信，因為我喺英國讀書之前，喺香港讀女校，連一個男仔朋友都冇，試過有女同學喺外面識咗男仔朋友，叫埋我一齊出去，我都唔敢。」問到初戀年紀，Lydia稱大約16、17歲，對方是同學，puppy love。

Lydia指媽咪寇鴻萍，怕她接拍意識不良的角色影響基督徒身份。	Lydia早前參演舞台劇，獲益良多。	Lydia將與麥子樂拍攝劇集《熱戀一百天》，於劇中演情侶。

尊重母親意見

工作方面，除電視劇外，也有電影洽談中，望能接拍有挑戰的角色。問到接拍前會否先問母親寇鴻萍意見？她坦言不會：「多數都係接咗先同媽咪講。（媽咪有冇定條底線畀你？）佢覺得作為基督徒，唔可以拍啲意識不良嘅角色，不過暫時未有呢類戲接觸我，當然我會尊重媽咪，因為我都怕自己會影響到媽咪。」

文：名人組

攝：劉智源

服裝：Mino Maestrelli

場地：L16