洪卓立忌水骨灰要撒山

歌手洪卓立（立立）近日推出新歌《帶著骨灰去旅行》，並接受東網巨星節目《娛樂onShow》主持Sherman訪問。講到新歌讓人聯想到立立曾被誤傳死訊，有抽水之嫌，他則澄清指：「新歌嘅概念係之前同女友（湯怡）傾偈，我話如果有一日佢唔喺度，我會一個人去札幌一間拉麵店食嘢、影相，重溫我哋嘅回憶，點知佢聽完就喊得好勁，之後同黃偉文講番呢個idea去創作新歌。」

「撞鬼」跌遙控

新歌提及死亡話題，立立亦不忌諱談論到身後事，他直言不希望骨灰被撒落大海：「我有一個要求，就係唔好撒落大海，因為我唔識游水，最好火葬後撒喺山上。」而近年常到內地工作的他，更分享當中的「撞鬼」經歷：「當時自己一個人住酒店房，開完電視就去咗沖涼，期間電視機突然冇聲，我覺得唔妥開始唸經，點知出面又傳嚟一下怪聲，遙控喺枱面跌落地下，我即刻執嘢走，好彩換完房冇事。」

洪卓立接受東網巨星節目《娛樂onShow》訪問，大爆女友湯怡的壞習慣。

洪卓立自爆曾與女友湯怡傾談身後事，令女友忍不住爆喊。

與女友相愛十年

此外，立立與女友湯怡相愛十年，是圈中的金童玉女，不過近年二人才高調拍拖，問到是否曾遭公司反對，他回應：「其實我拍拖第二日已經同公司講，佢哋唔反對，只係怕我掛住拍拖唔做嘢，所以叫我暫時唔好公開。」立立續稱當時女友遭粉絲誤會，故決定公開關係護花。他還會分享拍拖甜蜜史及大數女友的壞習慣，想知道是甚麼？立即Click入東網巨星睇《娛樂onShow》啦！

文：專案組

髮型及化妝：Davy Yu @ FIFTH SALON、Zoefan @ ig zoefan

服裝：5cm @ ithk

場地：Partyland