鄭伊娜創作壁畫舉手不回

藝人鄭伊娜（Ena）發揮美術天分，以新春期間大家「要餡唔要皮」剩落的賀年利是封製作金魚及燈籠小擺設：「咁多利是封掉咗唔環保，最啱攞嚟做勞作，網上有唔少短片教整擺設！（幾時開始對小手作感興趣？）小學上美術堂老師成日讚，我每次都好高分，所以培養咗對美術嘅興趣！我識素描、油畫、陶瓷、製作玻璃擺設等，至今最自豪嘅作品係初中幫學校畫一幅5呎乘6呎嘅超巨型招生圖畫，全部一手包辦，用咗一日時間完成，自己好滿意。嚟緊想試吓創作壁畫，因為唔可以錯，範圍又大，好有挑戰性。平時就鍾意畫吓啲精靈，希望將來可以開個同幻想世界有關嘅主題畫展。」