幫前度澄清朱智賢當閔大人係老師

「無綫咪神」朱智賢（Ashley）與謝東閔（閔大人）之間緋聞不斷，近日有指她背餐廳東主男友暗撻東閔，令男方大鬧電視城。Ashley受訪時透露已單身數月，更為前男友澄清：「佢從未踏入TVB一步，同佢一齊以嚟都未入過，仲話佢喺化妝間發爛渣，咁對佢好唔公平，要還佢一個公道。（分手係有第三者？）同佢分開唔涉及任何人，係我同佢之間嘅問題。」問到謝東閔有否展開追求？Ashley表示：「暫時Feel唔到，佢本身都好紳士，唔覺佢對我特別熱情。大家的確係比較啱傾，但唔係傳言所講嘅撬牆腳。」她透露正向謝東閔請教唱歌：「佢係巨聲幫出身，所以搵佢教我唱歌嘅基本技巧、點樣唱得有自信咁。係因為咁聯絡多咗，當佢係一個老師。」