超蓮最近冇收兵自誇抵讚

賭王何鴻燊三太陳婉珍昨日帶同女兒何超蓮及何超雲，出席東華三院丙申年及丁酉年董事局交代就職典禮，親身支持兒子何猷啟擔任新總理。三太的子女中除了猷啟與外籍女模Angelika半同居兼融入家中外，兩位千金都未有着落。超雲表示目前忙於工作，不心急搵男友。而超蓮前晚出席另一活動亦爆自己「封盤」已經年半：「媽咪覺得我單身幾好，少啲緋聞。（多人追？）唔答！冇又唔信，有又問邊個。唔想拍拖，就26歲，想認真啲，依家唔搏幾時搏！（唔dry咩？）唔dry，多啲陪家人。」並透露要再考試準備讀碩士。到昨日他們出席活動，記者問三太關於超蓮最近緋聞減少時，超蓮即向三太說：「係囉，應該讚吓，幾好呵？之前日日畀佢鬧！」

爆何生入醫院換......

提到猷啟的外籍女友，三太大讚對方有禮，並表示不介意國籍問題。至於女兒一個專注事業、一個專注學業，問到會否替她們心急？三太坦言：「我唔會，佢哋有佢哋生活、有佢哋諗法。」而三太剛過生日，她透露生日願望是香港穩定繁榮，丈夫身體健康。問到何生身體狀況如何？她說：「幾好，依家喺屋企。（有冇進出醫院？）遲啲可能會，因為要換......要例行檢查。」當記者再追問換甚麼時，超蓮說：「都係例行檢查。」

三太（左二）帶同超雲（左一）和超蓮支持猷啟擔任新總理。

蔡李惠莉大讚囡囡蔡加怡叻過自己。

蔡李惠莉舉家撐女

而「玩具大王」蔡志明太太蔡李惠莉與女兒蔡加敏及兒子蔡加讚，一同到場撐任總理的女兒蔡加怡。蔡太表示尚未計劃復活節假期會否出外旅遊，習慣即興，但必會選擇適合小朋友的地方。提到加怡同時兼顧業務及湊小朋友，問到有否請教蔡太如何分配時間？蔡太即大讚女兒：「佢好識分配時間，仲叻過我，唔擔心。」

文：名人組