吳綺莉朋友甩底孤零零兜圈返歸

藝人吳綺莉（Elaine）最近與女兒吳卓林關係惡化，有傳到泰國散心的卓林因自殺而急返港入院留醫。備受壓力的Elaine昨午離開寓所，她本來約了朋友到中環飲茶，但在數個地方兜轉後折返寓所附近的便利店購物，然後回家。她表示被記者追訪，令不想上鏡的友人爽約：「搞到冇晒朋友同我飲嘢，冇人睬我，要買嘢返屋企等人嚟！（兜咁耐係等人？）成班人喺中環跟住我，咁點呢？我啲朋友又唔想見報！」
吳綺莉開車外出，卻遭朋友放飛機。
吳綺莉開車外出，卻遭朋友放飛機。

對於有指留院的女兒用被冚頭不願對話，她說：「冇咁嘅事，小朋友唔舒服睇醫生啫！講咗一千次畀條生路我，處理好屋企嘢先。（兩年前佢喺網上話自殺唔自私？）唉！我唔係好明點解，去到呢個年紀都有自己思想，每個人思想唔係百分之百啱或者錯嘅，但係都要學習。」她入寓所大閘前沒好氣地說：「仲有咩問？（卓林唔想見你？）相信冇一個爸爸、媽媽或者仔女係唔想見對方，中間若果唔係有少少拗撬，就唔會有呢件事，依家係畀大家冷靜一下。」又苦笑指今次說了很多，然後便關上大閘上樓。

吳綺莉在便利店買了一袋東西後回家。
  • 吳綺莉在便利店買了一袋東西後回家。