余香凝當街啜仔嫌醜怪

影壇新貴余香凝與龔嘉欣昨日到世貿中心出席活動，期間在台上烏身畫畫，領口較闊的余香凝不慎走光，其後怕醜地用手遮心口。受訪時，她透露已準備金像獎戰衣，並預告前後都有睇頭，但未至於Deep V到落肚，男友陳家樂亦已過目，覺得可以接受。提到日前被本報拍得與男友在港鐵月台當眾咀嘴，她尷尬笑說：「好蠢，好核突！其實啲相距離好近，唔知點解咁都見唔到，阿媽都話我哋好似去咗無人之境！嗰吓其實係Goodbye kiss，只係0.5秒嘅事，咁都畀人影到。」並否認兩人已同居。