黃宇詩冇諗過結婚澄清：我唔係小三

已故藝人黃霑的女兒黃宇詩，與現職測量公司董事男友Peter拍拖多年，有指宇詩與Peter拍拖時，對方已是三名小孩的父親，報道更翻炒黃霑當年的舊情史，令宇詩忍不住澄清：「我之前冇澄清過係因為覺得花邊新聞，過一排大家唔會當真，但依家又拎番出嚟講，仲好似標籤我係『小三』，咁樣非常唔公平，所以我想同大家講我唔係囉！」宇詩指與男友交往是於對方與前妻分居後，她說：「當然嗰陣佢哋未辦妥晒離婚手續，但係我好清楚佢哋係分咗居先同佢拍拖嘅！點解我要負上呢啲罪名？點解要攞番我父母嚟講，我老竇好話唔好聽已經唔喺度嘞！」她又指與Peter感情非常好，亦視對方為終生伴侶，惟二人沒有計劃要拉埋天窗。