麥包查案搵李修賢出山
麥包與江美儀早前因合作《街市遊樂團》而成為好友，最近麥包約滿無綫向外闖，工作不斷的他坦言獲導演賞識，於懸疑奇案網劇《４度望遠鏡》中首任男主角，麥包見機不可失，特別邀請多位好友撐場，如李修賢、江美儀和李璨琛等，其中美儀參演一個單元故事，飾演有預知能力的素顏村姑。美儀對老友很有心，即使完成拍攝返港，仍託人跨地域送愛心美食到拍攝地西樵山，供拍劇小休時的麥包充電，令他感到很窩心。
江美儀美食慰勞
新劇需趕於四月中煞科，故日日在西樵山趕戲的麥包，笑言要精神食糧來支撐：「美儀好有心，佢拍完走咗都搵人送咗盒美食上嚟，有杯麵、蛋糕、朱古力同曲奇餅！（捱夜辛苦？）每日12個鐘唔算辛苦，因為我好鍾意今次個角色，好似中國版《X Files》咁，帶住班手足查案，仲搵到拍慣差人戲嘅李修賢出山，真係好開心！（少見家人？）老婆會嚟陪我，仔女就同我通視像電話，感情維繫冇問題！」
開工遇怪事
今次客串演出撐老友的美儀，拍幾日戲便遇上怪事，她說：「喺好多山墳嘅山邊拍外景，大家有啲緊張，我叫班手足上香，點知當晚喺另一場地開工我就仆親，損手爛腳仲撞親膊頭添，返嚟要睇醫生，呢啲嘢真係信不信由你！」
文：影視組