李潤庭雪足四個月復工試水溫
無綫《東張西望》主播李潤庭（Eric）四個月前爆出婚外情後形象插水，被無綫雪藏到昨日正式復工。據悉，有關方面先「試水溫」，安排Eric跑突發外景，雖未知何時能復坐主播台，不過已教他相當感恩。Eric昨早10時先返回電視城準備，其後獲安排到大學及「天水圍尿袋爆炸」事件附近作街訪。同事及途人對首日復工的Eric都表現友善，令他放下心頭大石。
失人生目標
能夠於天朗氣清的一天重新出發，Eric接受電話訪問坦言：「過去四個月真係好難捱，唔止係經濟壓力，原來一個人冇嘢做真係冇咗人生目標！我試過買完飯盒走落公園睇啲阿伯捉棋。以前返工，我都好憎星期一，但呢個星期一對我嚟講意義重大，感覺好實在！」Eric透露上星期接獲公司電話，知道可以復工，內心頓時百感交集。
希望及時補救
「行差踏錯」後Eric令李媽媽很生氣，幸而兩母子終破冰。談到與太太Crystal目前的關係，Eric先是支吾以對，但最終坦承與對方有聯絡：「我諗要畀啲時間佢，我梗係想佢原諒我啦，但我知呢關唔容易，我要畀心機做好多嘢，可能先恢復到佢對我嘅信心。今次上咗寶貴嘅一課，我做錯咗，承受挫折冇得怨，打要企定，惟有希望及時作出補救。」
文：影視組