俄羅斯聖彼得堡發生地鐵大爆炸，造成多人傷亡，事發前謝賢及謝霆鋒父子剛巧在當地旅遊，不過由於早一步離開，所以行程未受影響。昨早已飛返香港的謝賢接受電話訪問時語帶輕鬆說：「哈哈，我知有意外，所以咪早啲走囉。其實我哋下午四點幾就離開，爆炸係之後嘅事。呢個地方我舊年去過，發現今年啲遊客區多咗警察站崗同查人，但整體氣氛都唔算好緊張。（機場呢？）都係咁上下，冇特別喎。」
談到此行，謝賢表示只得短短四日，不過能夠與霆鋒去旅行自然開心，且笑謂：「佢都未去過呢度，我今次做埋導遊，帶佢周圍去就真。」至於霆鋒方面則回應：「一切平安。」