陳嘉寶（Anjaylia）拍劇不多，但都能與同事結成好友，當中與《女人俱樂部》幾位年輕女演員王敏奕（Venus）、賴慰玲（Winki）、糖妹及陳瀅等更Friend到以姊妹相稱，但對於Anjaylia傳好事近，姊妹們齊齊表示不知情，果然夠默契！
Venus說：「最近大家都忙，比較少傾偈，所以唔知道呀！遲啲得閒啲先八吓！（幾時到你結婚？）都係工作先，有消息會同大家公布，但未有呢個打算住。」至於Winki狂讚Anjaylia與男友襯到絕，打風都打唔甩：「我唔知佢哋嘅人生大事喎！交番畀佢哋講啦！佢哋可以話係男才女貌天造地設，都希望佢哋快啲結婚！」而跟Anjaylia合作過《殭》的陳凱琳亦表示不知情，她笑說：「佢哋平日好Sweet，好關心對方，兩家人都好熟。（有冇催佢哋快啲結婚？）冇！順其自然啦！」