情侶檔搵銀 朱智賢：未談婚論嫁
藝人謝東閔與緋聞女友朱智賢（Ashley）昨日到新都城中心出席《漫遊糖果星際奇遇記》，期間甜蜜餵餵及玩二人三足，但全程有點避忌。問到擇偶條件，Ashley表示喜歡細心、專一及比她高的男仔，問到東閔是否細心？她即笑說不知道。
對於首度「情侶檔」現身，她坦言酬勞滿意，問到合約內容可有寫明抗拒親密行為？她說：「唔知，公司傾嘅，但攬同拖手我都唔得，因為同佢唔熟，唔係咁好。（無綫態度好開放喎！）我仲年輕，未到談婚論嫁階段。（做乜咁避忌？）覺得佢個樣好嚴肅，同埋呢排跟緊佢學唱歌，要尊敬佢！」此外，談到何雁詩身體不適辭演新劇《誇世代》，被指與她拍過拖的東閔表示會以短訊問候。
