五月天港騷門票兩粒鐘掃清

台灣天團五月天將於5月10日起假紅館舉行共十場《人生無限公司》演唱會，昨晨個唱門票首日公開發售，不足兩小時所有門票就被掃光，部分買不到飛的歌迷大表失望。而尖沙咀通利琴行門外一早已有近百名人排隊等買飛，排頭位的均為南亞裔及菲籍人士，亦有人手抱嬰兒輪候，現場有警察維持秩序。排隊的港人吳先生表示前日下午5時帶備了睡袋、枕頭及櫈通宵排隊：「今年多咗兩堆菲籍人士同一堆南亞裔人士嚟排隊，買唔到靚飛就梗o架啦，有得睇就好！」而排頭位、自稱是五月天歌迷的南亞裔Tanveer先生未知是否太心急，見他仆住入售票處買飛。