陳雅思三點式盛宴心郁出寫真

藝人黎耀祥、黎諾懿、丁子朗及陳雅思昨午出席節目《FTLife富通保險特約：歎得好健康》記者會，身為港姐的陳雅思於節目內不停以泳裝登場，介紹各式溫泉，身形索爆，片段被剪輯於記者會上播放。性感打扮現身的陳雅思坦言不介意健康性感：「我當成Bikini Fashion咁，拍之前我都狂做Sit Up，我對健康有要求。（考慮影寫真？）本來冇諗過，依家可以考慮。（Fit過選港姐時？）嗰時我太瘦，壓力大嘛！（做新一代咪神？）唔想，想健康性感，嚟緊夏天行泳衣騷都OK。」

黎耀祥：見慣啦！

黎耀祥笑指與黎諾懿到溫泉拍攝時「肉帛相見」，記者笑問黎諾懿是否「震撼」時，他笑說：「OK啦！人哋連仔都有喇，仲問？（陳雅思搞到你哋目不斜視？）拍咁多日，見慣啦！（老婆冇呷醋？）佢反而有畀意見陳雅思喎！」黎諾懿透露太太日前產檢，醫生表示未必能夠順產：「BB未跌得夠落，不過磅數各方面都顯示隨時可以出世，老婆同我講要留意電話，一定要見證到囝囝出世嗰刻。我比較怕血，緊張又會手震，未必敢剪臍帶。」

另外，陳雅思在前晚播出的《歎》中以黑色三點式上陣，盡騷豐滿上圍，深長事業線令觀眾噴晒鼻血，更大讚她身材Fit爆。不過有眼利網友留意到她不慎露出乳貼，提醒她下次要小心，亦大讚她可以成為新一代「咪神」。

文：影視組