貝安琪「小龍仔」大得快

中德混血模特兒貝安琪（Ankie）剛於上月初在德國為外籍時裝設計師未婚夫Simon van Damme誕下B仔Sebastian，她昨日與BB乘坐約11個小時飛機返港，由媽媽劉香萍接機。Ankie表示初為人母甚開心，又指BB易湊，中文名叫「貝小龍」，因未婚夫愛吃小籠包：「佢長大得好快，依家着緊三個月嘅衫，好唔捨得佢大！佢又識同人溝通，一起身就望住我笑，係開心BB。」餵母乳的Ankie透露隨時復工，雖然定居香港，但歐洲有工作的話都會接。問到何時擺酒？她說：「未知！依家主要係一家人同BB一齊。（百日宴？）要搞。（百日宴重要過婚禮？）係！（婚禮百日宴一齊搞？ ）都可以。」而榮升婆婆的劉香萍難掩喜悅，從北京趕返港接機，坦言想再抱孫湊個「好」字。