不受控制！佗B黃婉曼谷行G奶
藝人黃婉曼昨日力撐將於大埔超級城舉行的《新地復活童話之旅》活動，腹大便便的她透露現已有四、五個月身孕，現場所見她的上圍非常誇張，問到有否升至G Cup？她笑說：「我冇度喎！總之就不受控制！依家要換過晒啲Bra，每個月都要換。（第時餵人奶咪仲誇張？）個BB咁大食，唔驚冇嘢食囉，哈哈！」她又指現時要經常吃東西，因試過肚餓想暈：「依家我唔食嘢會嘔，所以不停食！（Cup數上升！）好大負擔，重咗十幾磅。」
問到BB是男是女？黃婉曼指仍未知：「我試過夢見係Twins，不過應該係一個。（想生兩個？）我就主張愈多愈好，但依家有第一個已經覺得唔容易。（預產期係幾時？）7、8月。（開刀定自己生？）我崇尚自然。」
同場還有藝人甄子丹太太汪詩詩的表妹湛琪清，她透露男友復活節要在外地工作：「佢係做生意，平時都有一半時間喺北京。（點維繫？）都OK，有視像嘛！同埋佢每次返嚟都會好多時間一齊。（拍咗幾多個月？）過咗試用期，哈哈！」又指表姐詩詩與汪圓圓激讚其男友。
