成龍：借奧斯卡之名見老友

62歲國際巨星成龍去年獲奧斯卡頒發終身成就獎，成為首位獲此殊榮的華人演員！昨日由好友英皇老闆楊受成於灣仔設宴慶祝他獲獎，大批傳媒蜂擁而至。成龍受訪時透露自己對得獎一事低調處理，故曾多番推卻楊受成為他設宴的美意：「我唔想炫耀，想低調啲。楊生一直提議（指搞慶祝晚宴），我一直推，推到今次真係冇得推。曾志偉、爾冬陞、楊生做發起人，叫齊我幾十年喺圈裏面認識嘅圈內朋友出席。所以都係借奧斯卡之名，見老朋友為實！（太太林鳳嬌、兒子房祖名嚟唔嚟？）佢哋之前日日睇奧斯卡都睇到悶啦，個獎擺喺北京Office，冇拎過嚟，之後個獎會放喺上海成龍藝術館。」

問起小龍女速閃

談到其太太林鳳嬌及兒子祖名對他獲獎有何表示？他笑指二人Cool爆：「冇呀，你知佢哋不嬲都好Cool o架啦。我攞獎嗰日，祖名都冇恭喜我，但我冇嬲，頒完獎都有同史泰龍去食飯慶祝。」其後，成龍被問到有否留意日前「小龍女」吳卓林報警，令吳綺莉被捕一事？他說：「乜嘢事？做乜事？多謝大家。」之後以入場為由匆匆返酒店。據知其後原來有專人從內地將奧斯卡獎座拿到現場向成龍送驚喜，令他開心捧獎拍照留念。

成龍（右）獲楊受成設宴恭賀他獲奧斯卡終身成就獎。	張學友及劉嘉玲都有到場祝賀。	陳德森（右）

學友恭喜城城結婚

晚宴除了有曾志偉擔任司儀外，到場賓客亦分量十足，包括張學友、劉嘉玲、謝霆鋒、黃秋生等，認真星光熠熠！當中學友被問到為何不帶太太羅美薇到場？他笑說：「搞錯呀，你哋明知佢唔會嚟屋o架啦，你哋有幾可見到佢嚟呀？」問他會否向即將結婚的郭富城送上祝福？他說：「我梗係會恭喜佢，唔通嬲佢咩！」而霆鋒被問到日前於K房唱《藍雨》獲讚，他笑說：「南乳炆豬肉就有。（好多人期待你開演唱會？）知道，盡快啦。」晚宴前設有酒會，劉嘉玲出席酒會後未知是否有工作在身，其後與施南生離場。而曾志偉約晚上十時許離開，他指慶祝晚宴上播放不少成龍以往的演藝片段，在場七成人都有喊，場面感人。

曾志偉	謝霆鋒	古巨基

文：影視組