Bob扮公主賽車滿足易服癖！

藝人林盛斌（Bob）日前與太太Pearl啟程到日本沖繩旅行，慶祝結婚十周年。Bob透過社交網上載不少旅行相外，昨日還上載了一張「易服」打扮的相片，相當重口味！相中的Bob站在一部以卡通人物為主題的小型賽車旁，但亮點是他一身粉色造型，衫袖兩臂的公主袖配埋頭上的金色皇冠，網友激讚「Bob公主」夠晒可愛，他留言：「我老婆真係好明白我，佢知我有嚴重易服癖，專登揀咗呢件畀公主衫我着住玩孖寶賽車！」不過，見他雙眼發呆，睇嚟唔多鍾意這個凸腩公主造型喎！