莊思敏畀阿媽摑視網膜穿窿

藝人莊思敏、陸詩韻與李蕙敏等昨日出席激光矯視中心開幕禮，莊思敏透露早年眼科檢查時發現視網膜穿窿，不能戴隱形眼鏡：「所以就去補番個窿先，之後就做咗Laser。（點解會穿咗窿？）醫生話可能大力撞擊、意外跌親，我唯一諗起係阿媽冚我！（幾時？）幾歲囉！死都賴佢，但阿媽就話唔關佢事。」她又笑言自己戴眼鏡會趕客及阻桃花：「戴眼鏡去蒲總係識唔到新朋友！」現時心急識男仔的她坦言有叫朋友介紹安排飯局。至於陸詩韻亦指今年初剛接受激光矯視，坦言長時間工作很方便，因以往戴隱形眼鏡時試過乾到甩出來，又笑言小時候因貪靚才想戴眼鏡：「大個當然掉番轉唔想戴，但細個戴眼鏡反而多艷遇啲，大個就冇！」