熊黛林夫婦Un床擺陣搶生B

天王郭富城入紙迎娶上海嫩模方媛，舊愛熊黛林亦大方送上祝福。事有湊巧，她昨日拖着老公郭可頌出巡「示威」，十指緊扣揀大床，期間兩人坐在床上Un不停，實行揀定靚床積極造人，搶先舊愛生BB。
「我結婚快過你，肯定連生仔都快過你！」（設計對白）<br>熊黛林祝福完舊愛城城，翌日就拖埋老公出巡晒恩愛。
「我結婚快過你，肯定連生仔都快過你！」（設計對白）
熊黛林祝福完舊愛城城，翌日就拖埋老公出巡晒恩愛。

郭富城與拍拖年多的女友方媛（Moka）入紙申請結婚，與他拍拖七年最終還是分手收場的舊愛熊黛林（Lynn）亦早已有着落，去年極速下嫁相戀一年多的郭可盈弟弟郭可頌。成為郭太的Lynn前日被問及舊愛城城結婚一事時仍大方送上祝福。不過，呢頭向舊愛送完祝福，嗰頭Lynn就急急與老公雙雙出巡晒幸福「示威」。

揀埋餐枱準備添丁

昨午約4時，Lynn與郭可頌拍住拖前往銅鑼灣，戴上口罩的她與老公前往該處一間傢俬店，兩人先往揀餐枱，期間郭可頌不時以手機拍下心頭好。轉個頭，他倆又往揀大床，婚後一直表示恨生BB的Lynn金睛火眼挑選靚床褥，似乎想揀啱張靚床有利造人。見她先坐於床上Un不停試彈性，又示意老公坐低齊齊Un，期間兩人不時咬耳仔，全程有商有量。雖然當時引來不少顧客目光，但Lynn一於少理，拖完手又翹實老公，繼續放閃晒恩愛。

熊黛林與老公當眾齊齊Un大床，揀定張舒服床褥有利造人！
  • 熊黛林與老公當眾齊齊Un大床，揀定張舒服床褥有利造人！
熊黛林夫婦睇埋餐枱，換張大啲準備將來一家三口開飯。
  • 熊黛林夫婦睇埋餐枱，換張大啲準備將來一家三口開飯。
熊黛林眾目睽睽下又拖又翹老公，恩愛程度羨煞旁人！
  • 熊黛林眾目睽睽下又拖又翹老公，恩愛程度羨煞旁人！
  • 放大圖片

及後，Lynn又往研究其他床上用品如枕頭及床單等，看來想擺個「靚陣」博早日生B！兩人最後逗留半個多小時離開，雙雙返歸二人世界。

文、攝：追蹤組