狂食薯片減壓G.E.M.地獄十式排舞

「宇宙巨星」鄧紫棋（G.E.M.）為本周末在廣州起跑的世界巡迴演唱會進行「地獄十式」排練，在美國排舞師指導下，率領眾舞蹈員將排舞室變成「人體奧妙展」，穿小背心的G.E.M.大晒軟骨功，擺出一字馬、拱橋時更擠出半邊胸，不過做拱橋時狀甚痛苦，最終忍不住「投降」！
G.E.M.被拱橋考起，仍需加緊排練。
G.E.M.被拱橋考起，仍需加緊排練。

無論舞台、舞蹈、戰衣及歌曲等方面，G.E.M.都有份參與，所有舞蹈員由她親自挑選：「嗰12位舞蹈員都好犀利，正式展開巡唱後，我會叫佢哋每人都私人教我一堂，咁我跳舞就會再叻啲。」曾被譏是「時裝災難」的G.E.M.在服裝上亦有畀意見，率先爆有件服裝很有創意：「件衫會連住個舞台。」

G.E.M.坦言壓力愈來愈大：「本來應該喼弗節食，但壓力真係好大，前幾日我綵排見到休息室有好大包薯片，我已經一年冇食過，原本打算食一塊，點知最後食晒成包，返到屋企仲走落超級市場買多兩包食，食咗3,400卡路里落肚。」她又透露演出的每部分都會表達不同的訊息：「大家都會為所愛嘅人煩惱、心痛、受傷，但又會為心愛嘅人感覺到希望。每個人去到死嗰刻會記住嘅，唔係你人生達到咩成就、賺咗幾多錢，而係諗我留咗啲咩畀愛我嘅人，愛我嘅人又留咗啲咩畀我。」

G.E.M.主動為個唱服飾畀意見。
  • G.E.M.主動為個唱服飾畀意見。
G.E.M.擘一字馬不經意騷事業線。
  • G.E.M.擘一字馬不經意騷事業線。