冇特權放假劉心悠捱完先抖

藝人劉心悠及蕭正楠昨日出席無綫新劇《宮心計2深宮計》拜神，心悠被指因休息而令其他演員被迫趕戲迎合她的檔期，她直認有一、兩日假期，但否認享有特權：「最辛苦係影視展嗰兩日，瞓得幾個鐘！我都有問馬國明點捱，都係之後有休息番，依家做咗個幾月TVB人，就愈似TVB人，梅小青對個個都好細心，踩完一輪會補番！唔係淨係我有假放！」她又指試過太攰講對白時講錯英文。